THE SYNTETIC: Wywiad naprawdę podziemny

Spotkaliśmy się na poziomie 900, w połowie podziemnego połączenia pomiędzy kopalniami „Halemba” i „Kleofas”, mniej więcej pod terenami należącymi do miasta Kochłowice. Miejscówka nie należała do przyjaznych – w trakcie rozmowy zapadałem się w jakiś muł, ponadto z powodu nieprzeniknionych ciemności zupełnie nie widziałem swojego rozmówcy. Tak więc, uprzedzając pytania: ja również nie jestem w stanie stuprocentowo potwierdzić istnienia Człowieka Widmo, co do którego wciąż istnieją uzasadnione podejrzenia, iż jest on tylko (lub może „aż”) zbiorową halucynacją, fantasmagorią zrodzoną w umysłach zblazowanych powtarzalnością lokalnych rozrywek młodych mieszkańców regionu. Mnie samemu również trudno stwierdzić czy rozmowa odbyła się naprawdę, ręczę natomiast, iż wygrzebanie się z mułu na dnie kopalni do najłatwiejszych nie należy.

Ultramaryna: Słuchej chopie, mnie to sam wciągo, byda nagrywać ta rozmowa i w miyndzy czasie spróbuja się wygrzebać. Tak czy owak to niy wiym za bardzo od czego by tu...
Syntetic: Jo tyż niy wiym łod czego zacząć. Zastanawioł żech się coły czos, jo o tym myśloł, ale dalij niy wiym.

Te sory, ale jo byda kichać jak bydziesz godoł, dopiero miołżech grypa. Ja... Kichej, kichej. Jo tyż żech dopiero co mioł goronczka, dopiyro żech sie wyleczył. Mioł żech 40 stopni, bo my poszli po tym koncercie z 5cetem na impreza... Te, dej spokój, tam się działo... Dwa dni po, jo w robocie, ciul, żech myśloł, że jo umrza. A wiesz jak to je u prywatnego: abo robisz abo „Dziękuję”. Kurde te dej spokój, to była męczarnia. A to niy ma żartów, stoniesz w zimnym i cie niy ma.

Dobra chopie, to łod początku. Chca, żebyś mi pedzioł, jak to sie wszysko zaczyło, bo ludzie godajom, że żeś niy wierzył jak ci pedzieli, że ktoś tyj twoi muzyki słucho w ogóle. Było tak, to prowda. Zanim jo zaczoł robić tamte swoje rzeczy, to najpierw był taki klub na hucie, ale tera go już chyba niy ma, już niy istnieje. My tam łazili z kolegami i grali w takie chopki, wiysz, co we fusbal się gro. No i jo zaczął kiedyś udawać, że jo grom, i wtedy taki mój kolega co to już downo niy żyje, co już blank downo umar, to łon mi pedzioł, że jo parodia robia, że to wszysko je parodia i tak mnie wtedy nazwali – Pavarotti. I tak się cało historia zaczyła. A takie gupoty to jo już nagrywał w szkole na kasety, tak ino do przekryntu, co żech się tam wygupioł, żeby ludzi zabawiać na imprezach. Tak ino specjalnie do jaj, wiysz jak...

Te, ale po co tyś w ogóle nagrywoł w doma te swoje rzeczy? Jo wiym, że to je blank gupie pytanie w sumie „po co”, no ale spróbuj mi pedzieć czy jak żeś zaczynoł coś z tym robić, to myśloł żeś, że to do kogoś abo trefi jakoś, abo co? Suchej, to było tak: kumple pedzieli nagrej coś tam. Nagrej jakieś coś, to sie pośmiejymy, no i nagroł żech to, ale to było ino takie domowe, niy myśloł żech, że to kajś trefi. Nagroł żech kasety i porozdowoł.

No ale jakby ktoś ci pedzioł wtedy, że skuli tego bydziesz wywiadów udzielać, to byś niy uwierzył. No ja, no ja... Ale jo to robił do gupoty w sumie, do zabawy, żeby szło sie z tego ponabijać. To są takie kity ino.

A jak to się znalazło w necie? A wiysz to umieścił na necie taki facet, jo ze swojej strony nagroł żech ino 30 kaset i to wszystko.

A zanim żeś to demko wypuścił, to groł żeś jakieś koncerty wcześniej? No ja, ale wiysz, ino tam u siebie, po miyszkaniach na imprezach u ludzi różnych, u znajomych... Wcześniej mi kumpel próbowoł załatwiać jakieś koncerty, to boł mój pierwszy menadżer. Jedyn koncert to boł na działkach na 30 osób, a bilety były po 3 złote, tak to pamiyntom. Ale to było tak, że mnie wtedy tam zaprosili. Potym był jeszcze wiynkszy koncert na 70 ludzi... Był jeszcze koncert na świetlicy. Ale wiesz, to było wszysko na pół gwizdka, to mój kumpel organizowoł, jo żech sie zawsze przebiyroł jakoś i zaczynoł, fajne to było.

A jak ty robisz ta swojo muzyka? Jo to miksuja, normalnie to robia – słuchom jakis tam dziesiynciu utworów po kilka razy, potym nad tym myśla i coś tam robia. Po prostu wybiyrom po kawałku i miksuja. Ale najpiyrw to jednak siadom i pisza tekst. Potym myśla nad muzykom, no a potym to nagrywom. Wykorzystuja dużo muzyki z filmów, bo bardzo lubia muzyka filmowa i jest żech fanatykiem kina. Oprócz tego że wykorzystuja te motywy z filmów to korzystom tyż z muzyki z lat 80. Ogólnie to jo właśnie takij muzyki słuchom na codziyń.

No ale robisz to na komputerze czy jak? Niyy, normalnie nagrywom to wszystko na kasetach. Mom taki magnetofon dość dobry i tak normalnie to robia, tam idzie podłączyć mikrofon, pogłos, wszystko co trzeba. Komputer to jo dopiero byda mieć i wtedy zaczna dopiero robić, jak ino się na nim poznom. Ale póki co to wszystko to miksuja na żywo na kasetach i od razu tyż na żywo nagrywom teksty.

No a jak myślisz, jak cie ludzie odbiyrajom, myślisz że bardzij jako muzyka czy autora tekstów? Niy wiym, jak to ludzie odbiyrajom, moga ino pedzieć, jak reagowali na koncercie, a tam się bawili i reagowali ogólnie klubowo. Do koncertu z 5cetem tyż żech musioł zmiynić cało technika, całkiym jom przekształcić, ale bardzo dobrze to wyszło. Jo zawsze chca robić coś nowego i mi się to bardzo spodobało, bo tyn przekaz wyszoł z tego zupełnie odświeżony.

Na a jak tera sie okazuje, że ludzie tego słuchajom, że im sie to podobo, to myśloł żeś, że może to kiedyś wydosz na płycie? Nie chcioł byś sie tym na poważnie zajmować? Wiesz no, niy myśla na razie, ale fajnie by było. Póki co trza czekać, robić swoje i patrzeć jak sie sytuacja rozwinie. Tako tyż jest prawda, że żeby trefić w rynek to trza by robić inno muzyka niż jo robia, to sie raczyj niy sprzedo.

No tyż prowda. Te zanim mnie sam zupełnie te bagno wessie wytłumacz mi ino jeszcze skąd ksywa „Człowiek Widmo”? „Człowiek Widmo” to jest motyw z filmu, no a Syntetic to jest nazwa takiego syntezatora. A z tym bagnym to jo ci tyż niy pomoga, bo wiysz – mnie sam niy ma.

No toś mnie fajnie wkopoł.

rozmawiał: Marcin Kowalski | zdjęcie: Aga Psiuk
ultramaryna styczeń 2005